Monday, August 2, 2021

पेट्रोलियम पदार्थको मूल्यवृद्धिको विरुद्ध पाँच विद्यार्थी संगठनले आन्दोलन गर्ने

काठमाडौं– पेट्रोलियम पदार्थको मूल्यवृद्धिविरूद्ध ५ विद्यार्थी संगठनले आन्दोलन घोषणा गरेका छन्।

आइतबार संयुक्त रूपमा पत्रकार सम्मेलन गर्दै उनीहरूले मूल्यवृद्धि फिर्ता लिन ७२ घण्टे अल्टिमेटमलाई पूरा नगरेको भन्दै थप आन्दोलनका कार्यक्रम सार्वजनिक गरेका छन्।

उनीहरूले असार २८ गते नेपाल आयल निगमका गाडी चल्न नदिने बताएकाछन् ।

यस्तै असार २९ गते पेट्रोलियम ढुवानी र विक्री गर्ने संगठनहरूलाई पेट्रोल पम्प र ट्याङ्कर सञ्चालन नगर्न अनुरोध गर्ने निर्णय भएको विज्ञप्तिमार्फत् विद्यार्थी संगठनहरूले जानकारी दिएका छन्।

असार ३० मा देशभरका सम्पूर्ण पेट्रोल पम्प र ट्याङ्कर बन्द गर्नेसमेत उनीहरूले घोषणा गरेका छन्।

साथै उनीहरूले प्रतिनिधि सभा पुनर्स्थापना हुने विश्वास व्यक्त गरेका छन्।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

ताजा खबर

यो पनि पढौं