गृहपृष्ठ अध्यात्म विश्व हिन्दु महासंघको भारत अध्यक्षमा मोदी

विश्व हिन्दु महासंघको भारत अध्यक्षमा मोदी

विश्व हिन्दु महासंघको भारत देशीय राष्ट्रिय अध्यक्षमा प्रह्लाद दास दामोदर राव मोदी चयन भएकाछन् ।

प्रकाशित मिति:

काठमाडौं–विश्व हिन्दु महासंघको भारत देशीय राष्ट्रिय अध्यक्षमा प्रह्लाद दास दामोदर राव मोदी चयन भएकाछन् । भारतीय न्यूजहरूका अनुसार योगी आदित्यनाथले सम्हाल्दै आएको अध्यक्ष पद अब प्रह्लाद दास दामोदर राव मोदीले अन्तरिम अध्यक्षको रुपमा सम्हाल्नु छन् ।

योगी आदित्यनाथ विश्वहिन्दु महासंघको अन्तर्राष्ट्रिय उपाध्यक्षसमेत रहेको र उनी अहिले उत्तरप्रदेशको मुख्यमन्त्री रहेकोले भारतमा महासंघको राष्ट्रिय समितिको जिम्मेवारी प्रह्लाद दास दामोदर राव मोदीलाई दिइएको समाचार स्रोतहरूले जनाएका छन् ।

भारतमा प्रधानमन्त्री जनकल्याणकारी योजना प्रचारप्रसार अभियानका संयोजकसमेत रहेका प्रह्लाद दास दामोदर भारतीय प्रधानमन्त्री नरेन्द्र मोदीका सहोदर भाइ छन् । विश्व हिन्दु महासंघको भारतीय राष्ट्रिय अध्यक्षको जिम्मेवारी पाएपछि भारतमा हिन्दुधर्मको अध्ययन, अनुसन्धान एवं संवर्धन र विकास विस्तार तथा प्रचारप्रसारमा काम गर्नुको साथै नेपाललाई पुनः हिन्दु अधिराज्य कायम गराउन आफ्नो भूमिका रहने प्रह्लादको भनाई रहेको बताइएको छ ।

यो पनि पढ्नुहोस..  स्वस्थानी ब्रतको महत्व

मुख्यालय नेपालको काठमाडौंमा रहेको विश्व हिन्दु महासंघको विश्वका पैंतालीस देशमा शाखा रहेको बताइएको छ । सनातन धर्म ॐकार परिवार (हिन्दु, बौद्ध, जैन, शिख, किराँत लगायत)को छाता संगठनको रूपमा क्रियाशील विश्व हिन्दु महासंघको भारत च्याप्टरमा प्रह्लाद मोदीको आगमनसँगै महासंघको भावी कार्यक्रम र रणनीति कस्तो हुने हो भन्ने आमसर्वसाधारणको जिज्ञाशा एवं ध्यानाकर्षण भएको छ ।

सम्बन्धित् समाचार